سەردێڕ:

١٠٠ خێزانی كه‌مپه‌كانی كه‌ركوك گەڕانەوە زێدی خۆیان

فۆتۆ: 
2020-09-21

1777 جار خوێندراوەتەوە

دوای شه‌ش ساڵ، ١٠٠ خێزانی‌ كه‌مپه‌كانی كه‌ركوك گه‌ڕانه‌وه‌ گوندەکانی خۆیان، کە لە چەکدارانی داعش پاککراونەتەوە.

ئه‌رسان حوسه‌ین كه‌ له‌ فه‌رمانگه‌ی كۆچ و كۆچبه‌رانی كه‌ركوك راگه‌یاندووە، "١٠٠ خێزان كه‌ له‌ حوزه‌یرانی ٢٠١٤ه‌وه‌ له‌ كه‌مپه‌كانی كه‌ركوك ده‌مانه‌وه‌، گه‌ڕاونه‌ته‌وه‌ گونده‌كانی خۆیان له‌ باشوری كه‌ركوك، کە پێکدێن لە هەریەکە لە گونده‌كانی عەتشانە، عه‌زیزیه‌ و ساڵحی سه‌ربه‌ قه‌زای داقوق."

ئاماژەی بەوەشکردووە، "سێ ساڵه‌ ئه‌و گوندانه‌ له‌ داعش پاككراونه‌ته‌وه‌، به‌ڵام به‌هۆی وێرانبوونی خانووه‌كانیان نه‌یانتوانیوه‌ بگه‌ڕێنه‌وه‌."

 ئەوەش دوای ئەوەدێت، لە سەرەتاکانی سەرهەڵدانی شەڕی داعش و چوونە ناوەوەی ئەو رێکخراوە چەکدارییە بۆ بەشێک لە گوند و شار و شارۆچکەکان، دانیشتوانی ئەو ناوچانە ئاوارەی شارەکانی دەوروبەری خۆیان بوون و لە کار و ماڵی خۆیان دوورکەوتنەوە، لە ئێستاشدا گەڕانەوەی بەشێکی ئەو ئاوارانە بۆ زێدی خۆیان دەستیپێکردووە.