سەردێڕ:

سەرکردەیەکی داعش لە کەرکوک دەستگیرکرا

فۆتۆ: 
2020-09-19

2959 جار خوێندراوەتەوە

هێزە ئەمنییەکانی عێراق سەرکردەیەکی داعشیان لە کەرکوک دەستگیرکرد.

ئەمڕۆ شەممە، دەستەی کۆماندۆی بەرپەرچدانەوەی خێرا، بە پشتبەستن بە زانیارییە هەواڵگرییەکان، توانیویانە لە ئۆپەراسیۆنێکدا سەرکردەیەکی رێکخراوی داعش لە پارێزگای کەرکوک دەستگیر بکەن.

ئەمەش لە کاتێکدایە، ماوەیەکە چەکدارانی داعش جموجۆڵەکانیان لە پارێزگاکانی که‌ركوك و دیاله‌ و سه‌ڵاحه‌دین چڕکردووەتەوە و هێرش دەکەنە سەر هاوڵاتیان و کاروانی هێزە ئەمنییەکان.

هاوکات، هێزە ئەمنییەکان بەردەوام ئۆپراسیۆنی ئەمنی جیاجیا بە مەبەستی دەستگیرکردن و راوەدونانی ئەو چەکدارانە و کەسانی گومانلێکراو ئەنجامدەدەن، لە ماوەی رابردووشدا بەهۆی ئەو ئۆپراسیۆنە ئەمنییانەوە توانراوە ژمارەیەک لە چەکدارانی داعش دەستگیر بکەن، کە بە نیازی ئەنجامدانی کردەوەی ئەمنی و نانەوەی پشێوی بوون لە ناوچە جیاجیاکانی عێراقدا.