سەردێڕ:

"کەسانێک لە پشت سوتاندنی سنەوبەرەکانی ڕێگەی تاسڵوجەن لە سلێمانی"

فۆتۆ: 
2020-09-19

3417 جار خوێندراوەتەوە

سه‌رۆكی رێكخراوی ئاینده‌ بۆ پاراستنی ژینگه ڕایگەیاند، گومانی تێدا نیە کەسانێک لە پشت سوتاندن و وشکكردنی بەشێک لە دارستان و درەختەکانن بە تایبەتی سنەوبەرەکانی ڕێگەی تاسڵوجەی سلێمانی.

مەعروف مەجید، سەرۆكی رێكخراوی ئاینده‌ بۆ پاراستنی ژینگه ڕایگەیاند، "با ئەوانەی دژی داگیرکاری و قۆرخکاری زەوی گشتین و ژینگە و درەختیان خۆشدەوێت، لە دژی داگیرکەران، بەڵێنی هەڵمەتی سەوزکردنی ئەو شوێنە بدەین".

ئاماژەی بەوەشكردووە، "ئەم پەیامەم بۆ سەرجەم پارتە سیاسییەکان و ڕێکخراوەکان و کەسایەتی و کۆمپانیاکانە".

ئەوەش دوای ئەوەدێت، دوێنێ هەینی بەشێك لە سنەوبەرەكانی ڕێگەی تاسڵوجە لە سلێمانی ئاگری تێبەردرا و ئەوەش نیگەرانی دانیشتوانی شارەکە و ڕێكخراوەكانی بواری ژینگەی بەدوای خۆیدا هێنا.