سەردێڕ:

پێشنیازه‌یاسای ماف و ئه‌ركی نه‌خۆش له‌ هه‌رێم دەخرێتە دەنگدانەوە

فۆتۆ: 
2020-09-15

1172 جار خوێندراوەتەوە

ئەمڕۆ پەرلەمانی کوردستان کۆدەبێتەوە و خوێندنەوەی دووەم بۆ پڕۆژە ياسای له‌ئه‌ستۆكردنی فه‌رمانبه‌ران دەکات، هەروەها دەنگ دەدات لەسەر پێشنيازە ياسای ماف و ئەرکی نەخۆش.

بەپێی خشتەی کاری پەرلەمانی کوردستان بڕيارە ئەمڕۆ کاتژمێر دووی پاشنيوەڕۆ دانيشتنی ژماره‌ ٥ی ئاسایی خولی پایزه‌ی ساڵی دووه‌م له‌خولی پێنجه‌می هه‌ڵبژاردنی په‌رله‌مان بەڕێوەبچێت.

بەپێی خشتەی کارەکەش، لە بڕگری يەکەمدا پەرلەمان بەردەوام دەبێت لەسەر خوێندنه‌وه‌ی دووه‌م بۆ پڕۆژه‌یاسای له‌ئه‌ستۆكردنی فه‌رمانبه‌ران له‌هه‌رێمی كوردستان، لە بڕگەی دووەميشدا، دەنگ دەدرێت لەسەر پێشنیازه‌یاسای ماف و ئه‌ركی نه‌خۆش له‌هه‌رێم.

٨ی ئەم مانگە دانيشتنی پەرلەمان بەڕێوەچوو بە شێک لە فراکسیۆنەکان و پەرلەمانتاران رەخنەیان لە بەرنامەی کاری دانیشتنەکانیان گرت و ڕايانگەياند دەستەی سەرۆکایەتی پەرلەمان کەمتەرخەمە لە دیاریکردنی کێشەکان و خەمی خەڵک بۆ خستنە ناو بەرنامەی کاری دانیشتن.