سەردێڕ:

کاتی راگەیاندنی ئەنجامەکانی تاقیکردنەوەکانی خولی دووەمی ١٢ ئامادەیی ئاشكراکرا

فۆتۆ: 
2020-09-12

18006 جار خوێندراوەتەوە

وەزیری پەروەردەی هەرێم رایگەیاند، ئێوارەی ئەمڕۆ شەممە، ئەنجامی تاقیكردنەوەكانی خولی دووەمی پۆلی ١٢ی ئامادەیی رادەگەیەنرێت.

ئالان حەمەسەعید وەزیری پەروەردەی هەرێم بە میدیای فەرمی یەکێتی راگەیاندووە، "تاقیكردنەوەی خولی دوەمی ١٢ی ئامادەیی بە هەموو بەشەكانی زانستی و وێژەیی و پیشەییەكان و خوێندنی ئیسلامی كۆتایی هاتووە."

باسی لەوەشكردووە، "بەڕێوەبەرایەتی گشتی ئەزموونەكانی كارەكانی سەبارەت بە ئەنجامی تاقیكردنەوەكان تەواوكردووە و هەمو داتا و زانیارییەكانی تایبەت بە تاقیكردنەوەكانی خولی دوەم تەواو كراون"، دەشڵێت، "بڕیارە ئێوارەی ئەمڕۆ ئەنجامەكان ڕابگەیەنرێن."

رۆژی ١١ی تەمموز، تاقیکردنەوە وزارى و گشتییەکانى هەرێمى کوردستان دەستیانپێکرد و رۆژی ١ی ئەیلوولیش تاقیکردنەوەکانی خولی دووەم دەستیانپێکرد.