سەردێڕ:

دوو چەکداری داعش لە کەرکوک دەستگیرکران

فۆتۆ: 
2020-09-07

1618 جار خوێندراوەتەوە

وەزارەتی ناوخۆی عێراق رایگەیاند، دوو چەکداری داعشیان لە سنوری پارێزگای كەركوک دەستگیرکردووە، كە چەکدارانی داعشیان لەنێوان پارێزگاكاندا دەگواستەوە.

وەزارەتی ناوخۆی عێراق رایگەیاند، هێزەكانیان لە بۆسەیەكدا لە نزیک زێی بچوک لە باشوری رۆژئاوای شاری كەركوک، دوو چەکداری داعشیان دەستگیركردووە.

ئەوەش خراوەتەڕوو، دوو چەکدارەکە لەو كاتەی دەستگیركراون هەوڵیانداوە بە ئۆتۆمبێلێكی جۆری پیک ئاپ چەکدارێک لە ناوچەكەدا بگوازنەوە، بەڵام چەکدارەکە هەڵاتووە و دەستگیرنەكراوە.

باس لەوەشکراوە، لە میانی پشكنینی ئۆتۆمبێلەكەدا، چەكێكی كڵاشینكۆڤ لەگەڵ ژمارەیەک كەلوپەل كە بۆ شاردنەوەی چەکداران لە هێزە ئەمنییەكان بەكارهێنراوە دۆزراونەتەوە.

ئاماژە بەوەشکراوە، تۆمەتبارەكان بە مەبەستی گرتنەبەری رێوشوێنی یاسایی لە بەرامبەریاندا دەستبەسەركراون.

هەر ئەمڕۆ، لە میانی زنجیرەیەك ئۆپەراسیۆنی پۆلیسی فیدڕاڵی بۆسەر چەکدارانی داعش لە سنوری پارێزگای كەركوك، ژمارەیەك حەشارگە خاپوركران و دەستبەسەر ژمارەیەک چەک و تەقەمەنیشدا گیرا.