سەردێڕ:

لەسەر پۆستێكی فەیسبووک لە ئاکرێ دوو مامۆستا دەستگیرکران

فۆتۆ: 
2020-09-07

13574 جار خوێندراوەتەوە

چالاکوانێکی مافەکانی مرۆڤ لە دهۆک رایگەیاند، دوێنێ یەكشەممە، لە سنوری قەزای ئاكرێ دوو مامۆستای سنورەكە لەسەر پۆستێكی فەیسبووک دەستگیركراون.

ئەیهان سەعید چالاکوانی مافەکانی مرۆڤ لە شاری دهۆک بە ئێن ئاڕ تی راگەیاند، "دوێنێ یەکشەممە لە سنوری ئاکرێ دوو مامۆستای بەتەمەن و دیاری سنورەکە بە ناوەكانی سلێمان کەمال، کە پێشمەرگەی دێرینە و كەسێکی بێلایەن و رەخنەگرە، لەگەڵ سلێمان موسا زێباری لەلایەن ئاسایشەوە دەستگیركراون."

ئەوەشی خستەڕوو،  ئەو دوو مامۆستایە لەسەر بڵاوکردنەوەی پۆستێکی رەخنەگرانە لە سیستمی حکومڕانی و خراپی گوزەرانی هاوڵاتیان، لەلایەن ئاسایشەوە دەستگیرکراون.

شەوی ١٩ لەسەر ٢٠ی مانگی رابردووش، ئەحمەد زاخۆی پەیامنێری ئێن ئاڕ تی لە زاخۆ لە لایەن ئاسایشی ئەو شارەوە دەستگیرکرا و دوای ١١ رۆژ ئازادکرا.