سەردێڕ:

سەفین دزەیی: پەکەکە بووەتە مایەی دەردەسەری بۆ هەرێمی کوردستان

فۆتۆ: 
2020-09-07

4652 جار خوێندراوەتەوە

بەرپرسی فەرمانگەی پەیوەندییەكانی دەرەوەی حکومەتی هەرێم رایگەیاند، پارتی کرێکارانی کوردستان (پەكەكە) مایەی دەردەسەرییە بۆ هەرێمی کوردستان.

سەفین دزەیی بەرپرسی فەرمانگەی پەیوەندییەكانی دەرەوەی حکومەتی هەرێمی كوردستان بە دەنگی ئەمریكای راگەیاندووە، لە دوای راپەڕینی ساڵی ١٩٩١ی هاوڵاتیانی هەرێمی کوردستان، خەڵکی ناوچە سنورییەکان ویستیان بگەڕێنەوە سەر گوندەکانیان، بەڵام پەکەکە رێگربوو لە گەڕانەوەی ئەو خەڵکە.

ئەوەشی خستووەتەڕوو، بوونی بارەگاکانی پەکەکە لە ناوچە سنورییەکانی هەرێمی کوردستان بووەتە هۆی لەشکرکێشیی سوپای تورکیا و بۆردومانکردنی گوندەکان و دەشڵێت، "پەکەکە مایەی دەردەسەرییە بۆ هەرێمی کوردستان."

ئاماژەی بەوەشکردووە، پەکەکە بە دروستکردنی گروپی چەکداری لە شنگال بووە هۆی بۆردومانکردنی ئەو شارەش، کە زۆر لە سنورەکانی تورکیاوە دوورە.

باسی لەوەشکردووە، پەکەکە ناتوانێت ببێتە شوێنگرەوەی حکومەتی هەرێمی کوردستان و شەڕ رێگا چارە نییە، دەشڵێت، حکومەتی هەرێم داوای چارەسەرکردنی کێشەکانی پەکەکە و تورکیا بە رێگای ئاشتیانە دەکات و لە هەمان کاتدا، پێیوایە ناکرێت پەکەکە خاکی هەرێمی کوردستان بۆ شەڕ دژی دراوسێیەکی هەرێم بەکاربهێنێت، چونکە مافی دراوسێیەتی و بنەماکانی دیپلۆماسیەت رێگە بەوە نادەن.