سەردێڕ:

شانەی راگەیاندنی عێراق: کاتیۆشایەک لە نزیک ناوچەی سەوز کەوتە خوارەوە

فۆتۆ: 
2020-08-11

14704 جار خوێندراوەتەوە

شانەی راگەیاندنی ئەمنی عێراق رایگەیاند، موشەکێکی کاتیۆشا لە نزیک یەکێک لە دەروازەکانی ناوچەی سەوزی بەغدا کەوتە خوارەوە و تا ئێستا زیانەکان ئاشکرانەکراون.

شانەی راگەیاندنی ئەمنی عێراق رایگەیاند، موشەکێکی کاتیۆشا لە نزیک یەکێک لە دەروازەکانی ناوچەی سەوزی بەغدا کەوتە خوارەوە، دەشڵێت، "تا ئێستا هیچ کەسێک بەرپرسیارێتی خۆی بەرامبەر هەڵدانی موشەکەکان رانەگەیاندووە و زیانەکانیش ئاشکرا نەکراون."

ئەوەش خراوەتەڕوو، "بەپێی ئەو زانیارییانەی بەردەستن، ئەو موشەکە لە سەربازگەی رەشیدەوە هاتووە"، باسی لەوەشکرد، "هێزە ئەمنییەکان موشەکێکی دیکەی هاوشێوەیان لەهەمان شوێندا دۆزیوەتەوە کە بۆ هەڵدان ئامادەکرابوو و توانیان دەستی بەسەردا بگرن."

لەماوەی رابردوودا، چەندین جار ناوچەی سەوز و بەتایبەتی باڵیۆزخانەی ئەمریکا بە موشەک کراوەتە ئامانج.

پێشتریش، مستەفا کازمی سەرۆک وەزیرانی عێراق بڕیاری دەستگیرکردنی بۆ چەند چەکدارێکی هێزە شیعەکان دەرکرد، کە تۆمەتبار کرابوون بە هەڵدانی موشەک بۆ ناوچەی سەوز.