سەردێڕ:

هەپەگە کوژرانی پێنج سەربازی تورکیا و شەهید بوونی سێ گەریلای راگەیاند

فۆتۆ: 
2020-08-07

3791 جار خوێندراوەتەوە

هێزەکانی پاراستنی گەل (هەپەگە) رایگەیاند، لە چالاکیەکانی گەریلاکانیاندا لە حەفتانین پێنج سەربازی سوپای تورکیا کوژراون و دوو سەنگەر وێرانکران و چەکێکی ئەیفۆری قورسیش لەناوبرا، هاوکات، شەهید بوونی سێ گەریلاشی لە وان راگەیاند.

ناوەندی ڕاگەیاندن و چاپەمەنی هەپەگە راگەیەندراوێکی بڵاوکردووەتەوە و ئاماژەی بەوەکردوە، رۆژی ٤ی ئاب گەریلاکانیان لە دژی سوپای تورکیا لە حەفتانین لە سنوری هەرێمی کوردستان چالاکیان ئەنجامداوە و لە چالاکیەکەدا پێنج سەرباز کوژراون.

لەلایەکی دیکەوە، لە ڕاگەیەندراوێکی دیکەدا، هەپەگە شەهید بوونی سێ گەریلای لە سنوری پارێزگای وان لە باکوری کوردستان رایگەیاند، کە بەهۆی ئۆپراسیۆنێکی سوپای تورکیاوە شەڕ هاتووەتە ئاراوە و بەو هۆیەوە سێ گەریلاکە شەهید بوون.

پەکەکە لە ساڵی ١٩٧٨ لە باکوری کوردستان دامەزراوە و لە ساڵی ١٩٨٤وە دەستی بە خەباتی چەکداریی کردووە دژی سوپای تورکیا و تا ئێستاش ئەو خەباتە چەکدارییە بەردەوامە.