سەردێڕ:

وێنە.. لە سۆدان دەیان خانوو بەهۆی لافاوەوە روخان

فۆتۆ: 
2020-08-04

3153 جار خوێندراوەتەوە

لە ئەنجامی دروستبوونی لافاو لە پارێزگای رۆژهەڵاتی نیل ناوەڕاستی سۆدان، دەیان خانوو رووخان.

میدیاکانی سۆدان رایانگەیاند، لە رۆژی هەینیی رابردووە، باران بارینی بەخۆر و لافاو، چەند گوندێکی سنوری پارێزگای ڕۆژهەڵاتی نیلی گرتووەتەوە بەهۆیەوە دەیان خانوو رووخاون، ئەو کەسانەشی نیشتەجێی ئەو ناوچەیەن باس لەوەدەکەن، "بەهۆی باران بارینی بەخوڕ و دروستبوونی لافاو لە گوندەمان، زیانێكی زۆرمان بەركەوتووە".

پێشتر وەزارەتی ناوخۆی سۆدان رایگەیاندبوو، لە سەرەتای مانگی رابردووە باران بارینی بەخوڕ و لافاو ژمارەیەك ناوچەی سۆدانی گرتەوە، كە بەهۆیەوە پێنج كەس گیانیان لەدەستداوە و سێ كەسی دیكەیش برینداربوون و دوو هەزار و ٣٨٢ خانووش رووخاون.