سەردێڕ:

فڕۆکەکانى ئێران بارەگاکانى حزبی دیموکراتیان لە چۆمان بۆردومان كرد

فۆتۆ: 
2020-08-03

8620 جار خوێندراوەتەوە

قائیمقامی چۆمان رایگەیاند، "پێشنیوەڕۆى ئەمڕۆ فڕۆکەکانى ئێران بارەگاکانى حیزبى دیموکراتیان لە سنورى چۆمان بۆردومان کرد."

سوارە ئەکرەم قائیمقامی چۆمان بە ئێن ئاڕ تى راگەیاند، "کاتژمێر ١٠ ى پێشنیوەڕۆى ئەمڕۆ دووشەممە، فڕۆکەکانى ئێران بارەگاکانى حیزبى دیموکراتیان لە گوندى دێگی سەر بە ناحیەی سمیڵان لە سنورى چۆمان بۆردومان کردووە"، دەشڵێت،" بەهۆی بۆردومانەکە خانویەک زیانی بەرکەوتووە."

ئاماژەى بەوەشکرد، "بە پێى ئەو زانیارییانەى بەردەستە ئەم بۆردومانەى فڕۆکەکانى ئێران هیچ زیانێکی گیانی نەبووە."

ئەوەش لە کاتێکدایە، چەند ساڵێکە ئێران و تورکیا بە بیانوى بوونى گەریلاکانى پەکەکە و هێزە کوردییە ئۆپۆزسیۆنەکانى ئێران سنورەکانى هەرێم بۆردومان و تۆپباران دەکەن و ئەوەش وایکردووە بەشێک لە هاوڵاتیانى ئەو سنورە ماڵ و گوزەرانیان بەجێبهێڵن.

ئومێد چۆمانى، هەولێر