سەردێڕ:

پۆلیسی هەولێر: گەنجێک بە تۆمەتی بەکارهێنانی مادەی هۆشبەر دەستگیرکرا

فۆتۆ: 
2020-07-16

6560 جار خوێندراوەتەوە

پۆلیسی هەولێر ڕایگەیاند، كەسێكیان بە تۆمەتی دزینی دوو ماتۆڕسكیل دەستگیركردووە، كە لە ماڵەكەیدا ماددەی هۆشبەر و كەرەستەی بەكارهێنانی ماددە هۆشبەرەكان و دەمانچەیەك و كۆمەڵێك فیشەك و هەندێك جلوبەرگی سەربازی بە پلەی سەربازی جۆراوجۆر هەبووە.

بەڕێوەبەرایەتی پۆلیسی هەولێر لە ڕاگەیەندراوێكدا بڵاویكردەوە، "كەسێكیان بە ناوی (س.ع) دانیشتووی گەڕەكی پۆلیسان بە تۆمەتی دزینی دوو ماتۆڕسكیل دەستگیر كردووە، كە لە ماڵەكەیدا ماددەی هۆشبەر و كەرەستەی بەكارهێنانی ماددە هۆشبەرەكان و دەمانچەیەك و كۆمەڵێك فیشەك و هەندێك جلوبەرگی سەربازی بە پلەی سەربازی عەمید هەبووە".

ئاماژەبەوەشكراوە، "تۆمەتباری ناوبراو بەپێی ماددەی ٤٤٦لە یاسای سزادانی عێراقی بەندكراوە".

ئەوەشخراوەتەڕوو، "دۆسێیەكی دیكەی سەربەخۆش لەسەر تۆمەتبار كراوەتەوە كە بەپێی ماددەی ١٤ی هۆشبەرەكان، لەبەرئەوەی ماددەی هۆشبەری بەكارهێنابوو".

Image may contain: one or more people