سەردێڕ:

لە هەڵەبجە بە تۆمەتی دزینی پارەییەکی زۆر کەسێک دەستگیرکرا

فۆتۆ: 
2020-07-16

5735 جار خوێندراوەتەوە

بەڕێوەبەرایەتی پۆلیسی پارێزگای هەڵەبجە رایگەیاند، دوو تۆمەتباریان دەستگیرکردووە کە یەکێکیان بە تۆمەتی دزینی سی پێنج ملیۆن دینار لەگەڵ هەزار و ٥٠٠ دۆلار ئەمریکی و تۆمەتبارێکی دیکەش دەستگیرکراوە، کە بە هەڕەمەکی لەناوشاردا تەقەی کردووە.

ئەمڕۆ پێنجشەممە، بەرزان عوسمان محەمەد وتەبێژی بەڕێوەبەرایەتی پۆلیسی پارێزگای هەڵەبجە رایگەیاند، "پاش ئەوەی لەلایەن هاوڵاتییەکەوە سکاڵا تۆمارکرا، کە بڕی سی و پێنج ملیۆن دینار لەگەڵ هەزار و ٥٠٠ دۆلاری ئەمریکی لێدزراوە لە گەڕەکی کانی عاشقان دۆسیەی تاوانی بۆ رێکخراو توانرا، تۆمەتباری نەوجەوان (ح.ع.ح)ی تەمەن ١٥ ساڵ دانیشتوی پارێزگای هەڵەبجە دەستگیربکرێت"، دەشڵێت، "پاش لێکۆڵینەوەکان دانی بە تاوانەکەیدا ناوە و بە بڕیاری دادوەر و بەپێی ماددەی یاسایی(٤٤٤ ی س ع) بەندکراوە."

ئەوەش خراوەتەڕوو، "توانراوە تۆمەتبارێکی دیکە دەستگیربکرێت، کە فەرمانی گرتنی بە پێی ماددەی یاسایی (٢١ی چەک) هەبووە، بەناوی (م.ن.ح) تەمەن ٢٥ ساڵ دانیشتوی هەڵەبجە کە هەستاوە بە تەقەکردن بە شێوەیەکی هەڕەمەکی لەناوشاردا."