سەردێڕ:

یەکەم لێدوانی روسیا لەبارەی گۆڕینی ئایاسۆفیا بۆ مزگەوت

فۆتۆ: 
2020-07-13

12154 جار خوێندراوەتەوە

جێگری وه‌زیری ده‌ره‌وه‌ی روسیا رایگەیاند، ''به‌شێوه‌یه‌ك هه‌ڵسوكه‌وت ده‌كه‌ین كه‌ ئه‌وه‌ كارو‌باری ناوخۆیی توركیایه، له‌ڕووی سروشتییه‌وه‌ پێویسته‌ نه‌ ئێمه‌ نه‌ كه‌سانی دیكه‌ ده‌ستوه‌ردان نه‌كەین له‌وه‌دا''.

سێرگی ڤێرشینین جێگری وه‌زیری ده‌ره‌وه‌ی روسیا رایگەیاند، "بڕیاری كردنه‌وه‌ی ئایاسۆفیا وه‌ك مزگه‌وت به‌ڕووی په‌رستشدا كاروباری ناوخۆیی توركیا خۆیه‌تی‌، له‌به‌رئه‌وه‌ پێویسته‌ نه‌ روسیا نه‌ ده‌وڵه‌تانی دیكەش ده‌ستوه‌ردان له‌و باره‌یه‌وه‌ نه‌كه‌ن."

ئەوەشی خستەڕوو، "ئایاسۆفیا له‌ڕووی كولتور و شارستانییه‌تی جیهانییه‌وه‌ گرنگه‌."

دوای ئەوەی رەجەب تەیب ئەردۆغان، سەرۆکی تورکیا بڕیاریدا ئایاسۆفیا لە مۆزەخانەوە بۆ مزگەوت بگۆڕێت، هەریەک لە ئەمریکا، یەکێتی ئەوروپا و رێکخراوی نەتەوەیەکگرتووەکان رەخنەیان لە بڕیارەکە گرت.

ئایاسۆفیا پەرستگایەکی مێژووییە و ئەندازیارانی دەوڵەتی بیزەنتی دروستیانکردووە، لە سەردەمی گریکییەکاندا وەکو کڵێسایەکی ئۆرسەدۆکس و لە سەردەمی ڕۆمانییەکاندا وەکو کڵێسایەکی کاسۆلیک و لە سەردەمی عوسمانییەکانیشدا وەکو مزگەوت و دواتر لە سەردەمی تورکیای مۆدێرندا، وەکو مۆزەخانە بەکارهاتووە.