سەردێڕ:

کڕین و فرۆشتنی زێڕ لە هەرێم کەمیکردووە

فۆتۆ: 
2020-07-12

5322 جار خوێندراوەتەوە

بەهۆی دۆخی خراپی هاوڵاتیانەوە بازاڕی کڕین و فرۆشتنی زێڕ سستە و بەشێک لە هاوڵاتیانیش بۆ پڕ کردنەوەی پێداویستی ژیانیان زێڕەکانیان دەفرۆشن.

دلێر تاهیر لێپرسراوی زێڕینگەرانی سلێمانی دەڵێت، بەهۆی هاتنی ڤایرۆسی کۆرۆناوە ماوەی زیاتر لە شەش مانگە کاری هاوردە و هەناردەی زێڕ راگیراوە ئەمەش زیانی زۆری بە بازاڕی زێڕ گەیاندوە.

هاوکات، بەشێک لە زێرینگەرەکان ئاماژە بەوە دەکەن کە بازاڕیان نیە و لە ئێستادا  هیچ کەسێک ڕوو لە کڕینی زێڕ ناکات .

لە ئێستادا نرخی یەک  مسقاڵ زێڕی عەیارە ١٨ بە ٢٦٠ هەزار دینارە و  یەک  مسقاڵ زێڕی عەیارە ٢١ بە ٣٠٥ هەزار دینار لە بازاڕەکاندا مامەڵەی پێوەدەکرێت، بەرزی نرخی  زێڕ و نەبونی موچە وای لە هاوڵاتیان کردووە تەنیا ڕوو لە فرۆشتنی بکەن هەم بە مەبەستی قازانج و هەمیش بە مەبەستی پڕکردنەوەی پێداویستیە سەرەکیەکانی ژیانیان.