سەردێڕ:

ڤیدیۆ.. چرکەساتی کوشتنی هشام هاشمی

فۆتۆ: 
2020-07-06

72136 جار خوێندراوەتەوە

میدیا عێراقییەکان رایانگەیاند، ئێوارەی ئەمڕۆ چاودێرێکی سیاسی و پسپۆڕی ئەمنی لە عێراق، لە شاری بەغدا و لە نزیک ماڵەکەی خۆی تیرۆرکرا.

میدیا عێراقییەکان رایانگەیاند، ئێوارەی ئەمڕۆ هشام هاشمی چاودێری سیاسی و پسپۆڕی ئەمنی، لەبەردەم ماڵەکەی خۆی لەناوچەی (زەیونە)ی بەغداد تیرۆرکرا، هاوکات، چەند کاتژمێرێک دوای تیرۆرکردنی ڤیدیۆی چرکەساتی ڕووداوەکە بڵاوکرایەوە و وەک لە گرتە ڤیدیۆکەدا دەردەکەوێت، دوو ماتۆڕسکیل کە هەریەکەیان دوو چەکداری بەسەرەوەیە چاودێری هاتنی هاشمی دەکەن، لەگەڵ دەرکەوتنی هاشمیشدا یەکێک لە چەکدارەکان دەستڕێژی گولـلە لە هاشمی دەکات و پاش گەیاندنیشی بە نەخۆشخانە بەهۆی سەختی برینەکەیەوە گیانی لەدەستدا.

هشام هاشمی تەمەنی ٤٧ ساڵ بوو، مێژوونوس و توێژەری بواری کاروباری ئەمنی و ستراتیژی و گروپە توندڕەوەکان بوو، خاوەنی دەیان توێژینەوە بوو و بەمدواییە چەندین نوسینی وردی لەبارەی هێزەکانی حەشدی شەعبی بڵاوکردەوە، کە زانیاری وردی لەبارەی رووداوەکان دەنوسی و نزیک بوو لە بڕیاری سیاسی عێراق و لەناوەندی سیاسیدا رێزی لە بۆچوونەکانی دەگیرا.

لە دوایین تویتیدا لە لاپەڕەی فەرمی خۆی لە تۆڕی کۆمەڵایەتی تویتەر هاشمی باس لە رێککەوتنی هەرێم و بەغدا دەکات لەبارەی گەڕانەوەی هێزەکانی پێشمەرگە بۆ ناوچە جێناکۆکەکان، کە لەزاری سەرچاوەیەکەوە دەڵێت، پێشمەرگە ناگەڕێتەوە بۆ کەرکوک، رێککەوتنەکە تەنیا بۆ ئەنجامدانی ئۆپراسیونی سنوردارە لە ناوچە جێناکۆکەکان دژی داعش.