سەردێڕ:

تەندروستی عێراق ئاماری ٢٤ کاتژمێری توشبووانی کۆرۆنای راگەیاند

فۆتۆ: 
2020-07-06

4112 جار خوێندراوەتەوە

وەزارەتی ژینگە و تەندروستی عێراق رایگەیاند، لە ماوەی ٢٤ کاتژمێری رابردوودا هەزار و ٥٢٩ حاڵەتی نوێی توشبوون بە کۆرۆنا و هەزار و ٥٥٢ چاکبوونەوە و ٨٢ گیانلەدەستدان تۆمارکراوە.

ئەمڕۆ دووشەممە، وەزارەتی تەندروستی عێراق رایگەیاند، "لە ماوەی ٢٤ کاتژمێری رابردوودا هەزار و ٥٢٩ حاڵەتی نوێی توشبوون بە کۆرۆنا تۆمارکراوە، بە جۆرێک ٣٦٧یان لە بەغدان."

ئاماژەی بەوەشكردووە، "٨٢ کەس بە نەخۆشییەکە گیانیان لەدەستداوە."

ئەوەش خراوەتەڕوو، "هەزار و ٥٥٢ کەس لە نەخۆشییەکە چاکبوونەتەوە، کە ٥١٤ کەسیان لە بەغدان."

بەپێی دوایین ئامارەکان، تا ئێستا ٦٢ هەزار و ٢٧٥ کەس لە عێراقدا توشی ڤایرۆسی کۆرۆنا بوون، لەو ژمارەیەش دوو هەزار و ٥٦٧ کەس گیانیان لەدەستداوە و ٣٤ هەزار و ٧٤١ کەسیش لە نەخۆشییەکە چاکبوونەتەوە.