سەردێڕ:

وێنە.. بازرگانێکی ماددە هۆشبەرەکان لە هەولێر دەستگیرکرا

فۆتۆ: 
2020-07-05

12392 جار خوێندراوەتەوە

بەڕێوەبەرایەتی گشتی نەهێشتنی ماددە هۆشبەرەکان رایگەیاند، بازرگانێکی ماددە هۆشبەرەکان دەستگیرکرا، کە چەند جۆرێکی ماددەی هۆشبەر و کەلوپەلی بەکارهێنانی ئەو ماددانەی پێبووە.

ئەمڕۆ یەکشەممە، بەڕێوەبەرایەتی گشتی نەهێشتنی ماددە هۆشبەرەکان رایگەیاند، "ئەمڕۆ لە شارى هەولێر توانرا بازرگانێکی ماددەى هۆشبەر دەستگیربکرێت بەناوی ( م ، م، ع) لەگەڵ دەستبەسەرداگرتنی بڕی ٢٦٥ پێنج گرام مادده هۆشبەر لە جۆری ( تلياك و هێرۆین و شيشه) و بڕی چوار هەزار و ٩٠٠ دەنك حەبی هۆشبەری ترامادۆڵ، لەگەڵ دەسبەسەرداگرتنی ٤ دەمانچە و كڵاشینکۆفێك و تەرازوویەکی دیجیتاڵ و چەند کەلوپەلێکی بەکارهێنانی ماددە هۆشبەر."

دوو هەفتە بەر لە ئێستا و لە ٢٤ی مانگی ڕابردووشدا لە پارێزگای سلێمانی، پێنج کەس بە تۆمەتی بەکارهێنان و بازرگانیکردن بە ماددەی هۆشبەرەوە دەستگیرکران.

بازرگانێكی ماددەی هۆشبەر لە هەولێر دەستگیركرا