سەردێڕ:

لە چوارتا بەهۆی دەستکاریکردنی گولەتۆپەوە کەسێک گیانیلەدەستدا

فۆتۆ: 
2020-07-04

6206 جار خوێندراوەتەوە

قائیمقامی چوارتا رایگەیاند، ئەم ئێوارەیە بەهۆی دەستکاریکردنی گولەتۆپەوە کەسێک  گیانیلەدەستدا.

شاهۆ عوسمان قائیمقامی چوارتا بە ئێن ئاڕ تی رایگەیاند، "سەر لەئێوارەی ئەمڕۆ بەهۆی دەستکاریکردنی گولەتۆپێکەوە کەسێک گیانیلەدەستدا"، ئاماژەی بەوەشکرد، "هاوڵاتییەکە ناوی عوسمان عەبدوڵایە، پیشەی کاسبە و دانیشتوی گەڕەکی بەرماڵانی قەزای چوارتایە."

ئەوەشی خستەڕوو، "ئەو هاوڵاتییە پێش ئەوەی بگەیەنرێتە نەخۆشخانە گیانیلەدەستداوە." 

مانگی رابردووش، لە سنورى پارێزگای هەڵەبجە لە ئەنجامى دەستکاریکردنى گولـلە تۆپێک دوو کەس گیانیان لە دەستدا.