سەردێڕ:

تەندروستیی هەرێم ئاماری ٢٤ کاتژمێری توشبووانی کۆرۆنای بڵاوکردەوە

فۆتۆ: 
2020-07-03

10748 جار خوێندراوەتەوە

وەزارەتی تەندروستیی هەرێم رایگەیاند، لە ماوەی ٢٤ کاتژمێری رابردوودا ١٨٧ حاڵەتی نوێی توشبوون بە کۆرۆنا و ٨٨ چاکبوونەوە و هەشت گیانلەدەستدان تۆمارکراوە.

ئەمڕۆ هەینی، وەزارەتی تەندروستیی هەرێم رایگەیاند، "لە ماوەی ٢٤ کاتژمێری رابردوودا ١٨٧ حاڵەتی نوێی توشبوون بە ڤایرۆسی کۆرۆنا تۆمارکراوە، کە ٨٩ لە سلێمانی، ٤٤ لە گەرمیان، ٣٩ لە هەولێر و ١٠ لە ڕاپەڕین و پێنج لە دهۆك."

ئاماژە بەوەشکراوە، "٨٨ کەس لە نەخۆشییەکە چاکبوونەتەوە، بە جۆرێک کە ٤١ لە هەولێر، ٣٦ لە سلێمانی، حەوت لە راپەڕین، سێ لە هەڵەبجە، یەک لە گەرمیان."

ئەوەش هاتووە، "هەشت حاڵەتی گیانلەدەستدان بە نەخۆشییەکە تۆمارکراوە، کە حەوت لە سلێمانی و یەک لە گەرمیان."

بەپێی دوایین ئامارەکان، تا ئێستا شەش هەزار و ٨٤٤ کەس لە هەرێمدا توشی ڤایرۆسی کۆرۆنا بوون، لەو ژمارەیەش دوو هەزار و ٢٥٢ کەسیان چاکبوونەتەوە و ٢٣١ کەسیان گیانیان لەدەستداوە.