سەردێڕ:

ڤیدیۆ.. راستی بەفربارینەکەی مانگی تەمموزی ئەمریکا ئاشکراکرا

فۆتۆ: 
2020-07-03

31274 جار خوێندراوەتەوە

میدیاکانی ئەمریکا بڵاویانکردەوە، ئەو ماددە سپیەی لە ناوچەی کوینزی ویلایەتی ماساچوستس دەرکەوتووە بەفری مانگی تەمموز نەبووە، بەڵکو کەفی مادەی ئاگرکوژێنەوە بووە و لە ئەنجامی هەڵەیەکی تەکنیکی وێستگەیەکی سوتەمەنی رویداوە.

لەوبارەیەوە، پۆلیسی ناوچەی کوینزی ویلایەتی ماساچوستس رایگەیاندووە، بەفر لە تەمموزدا نەباریوە، بەڵکو شۆرتی کارەبا لە سیستمی وێستگەی سوتەمەنی ناوچەکەدا روویداوە و بۆ رێگەگرتن لە تەشەنەسەندنی، مادەی ئاگرکوژێنەوەکە بە شێوەی کەف باریوە و دوای بڵاوبوونەوەی وێنەکەشی، خەڵک پێیانوابووە کە بەفر باریوە.

راشیگەیاندووە، کە بەهۆی رووداوەکەوە سێ کەس برینداربوون و کێشەی هەناسەتەنگییان بۆ دروستبووە.