سەردێڕ:

كازمی پەیامێکی بە زمانی كوردی بڵاوكردەوە

فۆتۆ: 
2020-06-06

24693 جار خوێندراوەتەوە

سەرۆک وەزیرانی عێراق بەهۆی دووبارە متمانەدانەوە بە حكومەتەكەی سوپاسی پەرلەمانی كرد و لە تویتێکدا بە زمانی کوردی رایگەیاند، ئەوە هەنگاوێكی باشە بۆ جێبەجێكردنی بەرنامەكەی.

ئەمڕۆ شەممە، مستەفا كازمی دوای تەواوكردنی كابینەی حكومەتەكەی لە لایەن پەرلەمانەوە تویتێكی بە زمانی كوردی بڵاوكردەوە و ئەوەی خستەڕوو، "سوپاس بۆ پەرلەمان كە دووبارە متمانەی بە حكومەتەكەمان بەخشییەوە، ئەوە هەنگاوێكی باشە بۆ جێبەجێكردنی بەرنامەكانمان".

ئاماژەی بەوەشکردووە، "وەفادار و پابەندین بەرامبەر گەلی عێراق، بەگەشبینی و راستگۆییەوە داهاتوو بەڕێدەكەین".

ئەمڕۆ، پەرلەمانی عێراق بە بەشداری ٢٤٧ پەرلەمانتار متمانەی بە حەوت کاندیدی وزاری کابینەکەی کازمیدا.

مانگی رابردوو، پەرلەمانی عێراق بە زۆرینەی دەنگ متمانەی بە کابینەکەی مستەفا کازمی بەخشی، بەوەش دوای روخانی حکومەتی بەعس کازمی بوو بە شەشەم سەرۆک وەزیرانی عێراق.