سەردێڕ:

سلێمانی.. ٤٣ حاڵەتی نوێی توشبوون بە کۆرۆنا تۆمارکرا

فۆتۆ: 
2020-06-05

4457 جار خوێندراوەتەوە

وەزارەتی تەندروستی هەرێم رایگەیاند، ٤٣ حاڵەتی نوێی توشبوون بە کۆرۆنا لە پارێزگای سلێمانی تۆمارکرا، کە چوار توشبوویان بەرکەوتەی توشبووانی پێشون و ئەوانی دیکە نیشانەی نەخۆشیەکەیان هەیە.

ئەمڕۆ هەینی، وەزارەتی تەندروستی هەرێم رایگەیاند، "لە بەردەوامی پشکنینەکان و گەڕان بەدوای گومانلێکراوان و توشبووان، ٤٣ توشبووی دیکەی ڤایرۆسی کۆرۆنای نوێ COVID-19 لە پارێزگای سلێمانی دەستنیشانکران".

ئەوەش هاتووە، "توشبووەکان ٢٨ پیاو و ١٣ ئافرەت و کچێك و کوڕێکی گەنجن".

ئاماژە بەوەشکراوە، "چوار توشبوویان بەرکەوتەی توشبووانی پێشوون و توشبووانی دیکە ھەموویان نیشانەی نەخۆشیان هەیە".

باس لەوەشکراوە، "٣٦ لە سلێمانی، دوو لە هەڵەبجەی تازە، دوو لە بازیان، یەک لە چوارتا، یەک لە وارماوە".

بەپێی دوایین ئامارەکان، ١٠٨٧ کەس لە هەرێمدا توشی ڤایرۆسی کۆرۆنا بوون لەو ژمارەیەش، ٤٤٤ کەس چاکبوونەتەوە.