سەردێڕ:

ئەندامێکى مەکتەبى سیاسى پارتى: لەگەڵ یەکێتى كۆدەبینەوە

فۆتۆ: 
2020-06-03

6266 جار خوێندراوەتەوە

ئەندامێکی مەکتەبی سیاسی ڕایگەیاند، بڕیارە لەگەڵ یەکێتى لەبارەی چارەسەركردنی كۆی پرسەكان كۆببنەوە و دەشڵێت، "بە یەك كۆبوونەوە ھیچ پرسێك چارەسەر ناكرێت."

ئەمڕۆ چوارشەممە، کاکەمین نەجار ئەندامی مەكتەبی سیاسیی پارتی، بە ماڵپەڕی فەرمیی حیزبەکەى راگەیاندووە، "بڕیارە لەگەڵ یەکێتى لەبارەی چارەسەركردنی كۆی پرسەكان کۆبیینەوە و بێگومان بە یەك كۆبوونەوەش ھیچ پرسێك چارەسەر ناكرێت، بەڵكو چەند كۆبوونەوەیەك لە نێوان ھەردوولادا پێویستن." 

ئاماژەى بەوەشکردووە، "پارتی ھەمیشە بڕیار و ھەڵوێستی ئەوە بووە، لە كاتی ھەبوونی ھەر كێشەیەك لە رێگەی دانوستان و لێكتێگەیشتن چارەسەربكرێت، ئێستایش پارتی ئامادەیە بۆ ھەر پرسێك نەك لەگەڵ یەكێتی، بگرە لەگەڵ ھەر لایەنێكی دیكە كۆببێتەوە."

ئەوەش دوایی ئەوەدێت، ٢٧ ى مانگى ڕابردوو ئاراس حەسۆ میرخان ئەندامى سەركردایەتیی پارتی ڕایگەیاند، "بڕیارە هەفتەی داهاتوو پارتی و یەكێتیی كۆببنەوە، بۆ ئەوەی دۆخی نێوانیان ئاسایی بێتەوە"، باسی لەوەشکردبوو کە بە هەماهەنگیی هەردوولا وادەی كۆبوونەوەكە دیاریدەکەن.