سەردێڕ:

دهۆک.. ١٩ حاڵەتی نوێی توشبوون بە کۆرۆنا تۆمارکرا

فۆتۆ: 
2020-06-03

3599 جار خوێندراوەتەوە

وەزارەتی تەندروستی هەرێم رایگەیاند، ١٩ حاڵتی نوێی توشبوون بە کۆرۆنا لە دهۆک تۆمارکرا، بەوەش کۆی ژمارەی توشبووان لە هەرێم گەیشتە ٨٤٩ کەس.

ئەمڕۆ چوارشەممە، وەزارەتی تەندروستی هەرێم رایگەیاند، "لە بەردەوامی پشکنینەکان و گەڕان بەدوای گومانلێکراوان و توشبووان، ۱۹ توشبووی ڤایرۆسی کۆرۆنای نوێ COVID-19  لە پارێزگای دهۆک دەستنیشانکراون، کە هەشت پیاو و هەشت ئافرەت و سێ منداڵن."

ئاماژەی بەوەشكردووە، "توشبووەکان دانیشتووی پارێزگای دهۆکن و هەموویان بەرکەوتووی توشبوویەکی پێشترن لە کاتی بەشداربوونیان لە بانگهێشتێکی نانخواردن توشبوون."

بەپێی دوایین ئامارەکان، کۆی ژمارەی توشبووانی ڤایرۆسی کۆرۆنا لە هەرێم ٨٤٩ کەسن، لەو ژمارەیەش ٤٣٤ کەسیان چاکبوونەتەوە.