سەردێڕ:

بەرگری شارستانی: هۆکاری ئاگرەکەی چیای گۆیژە ئاگربڕ بوو

فۆتۆ: 
2020-05-31

4916 جار خوێندراوەتەوە

ماوەی چەند ڕۆژێکە ئاگرێک لە بەشی سەرەوەی چیای گۆیژە دەبینرێت و بەرگری شارستانی سلێمانیش دەڵێت، "ئەوە ئاگر بڕە."

ئەمڕۆ یەکشەممە، رێکان جەمال وتەبێژی بەرگری شارستانی سلێمانی تایبەت بە دیجیتاڵ میدیای ئێن ئاڕ تی راگەیاند، "ئەو ئاگرە لە لایەن بەڕێوەبەرایەتی دارستانی سلێمانیەوە دەكرێتەوە و مەبەست لێی ئاگر بڕە."

ئاماژەی بەوەشکرد، "هیچ ئاگرێك نەبووە كە بەئەنقەست یان بەهۆكاری تر كرابێتەوە و زیانی هەبێت."

بەپێی دیمەنەكان، بەشی سەرەوەی چیای گۆیژە رووبەڕێكی كەمی سوتێنراوە، تاكو وەك ئاگر بڕ هۆكاربێت بۆ نەسوتانی دار و سەوزاییەكانی چیاکە لەكاتی ئاگركەوتنەوەدا.

ساڵانە لەوەرزی هاوین و زۆربوونی پوش و پاوان، چەند جارێك ئاگر لە چیاكانی گۆیژە و ئەزمەڕ كەوتونەتەوە و بوونەتە هۆی سوتانی بەشیك لەو دارانەی كە تەمەنیان لە ٥٠ ساڵ زیاترە و لایەنەكانیش ئەوەیان راگەیاندووە، لەناوچوونی ئەو دارانە مەترسییە لەسەر كەمبوونەوەی سەوزایی و هەوای پاكی شارەكە.

کارزان تاریق، سلێمانی