سەردێڕ:

ئەبوبەکر هەڵەدنی: پارێزگاری هەولێر پەیامی داوە بە لایەنەکان خۆپیشاندان نەکرێت

فۆتۆ: 
2020-05-28

38540 جار خوێندراوەتەوە

پەرلەمانتارێکی کوردستان رایگەیاند، ئامانجی سەردانەکانی پارێزگاری هەولێر بۆ لای لایەنە سیاسییەکان پێدانی پەیام بووە کە بە هیچ شێوەیەک ڕێگە بە خۆپیشاندان لە هەولێری پایتەخت نادەن.

ئەبوبەکر هەڵەدنی، ئەندامی پەرلەمانی کوردستان لە فراکسیۆنی یەکگرتوو رایگەیاند، "ئامانجی سەردانەکانی پارێزگاری هەولێر بۆ لای لایەنە سیاسییەکان پێدانی پەیام بووە کە بە هیچ شێوەیەک ڕێگە بە خۆپیشاندان لەهەولێری پایتەخت نادەن وەک ئەوەی هەولێر تەنیا پایتەختی حزبی دەسەڵاتدار بێت، بیریان چووە کە کەمتر لە ٣٠% پایتەخت بەساختەکاریشەوە دەنگی بەوان داوە."

راشیگەیاند، "دڵنیابن ئەو ستەمکاری و ناعەدالەتیەی دەسەڵاتدارانی هەرێم لەسەری بەردەوامن، کۆشک و تەلاری پڕ لە ستەمیان هەڵدەتەکێنێت."

هەر ئەمڕۆش، هادی عەلی، سەرۆکى ئەنجومەنى سەرکردایەتى یەکگرتوو رایگەیاند، درێژکردنەوەی ماوەی قەدەغەی ھاتوچۆ لە نێوان پارێزگاکانی ھەرێمدا بۆ رێگرتنە لە خۆپیشاندانى هاوڵاتیان.