سەردێڕ:

سلێمانی.. توشبوویەكی دیكەی کۆرۆنا تۆماركرا

فۆتۆ: 
2020-05-26

3885 جار خوێندراوەتەوە

وەزارەتی تەندروستیی هەرێم رایگەیاند، یەک حاڵەتی نوێی توشبوون بە ڤایرۆسی کۆرۆنا لە شاری سلێمانى تۆمارکرا.

ئەمڕۆ سێشەممە، وەزارەتی تەندروستیی هەرێم رایگەیاند، "لە بەردەوامی پشکنینەکان و گەڕان بەدوای گومانلێکراوان و توشبووان، یەک توشبووی دیکەی ڤایرۆسی کۆرۆنای نوێ COVID-19  لە پارێزگای سلیمانى دەستنیشانکرا، کە پیاوێکى تەمەن ٣٤ ساڵە".

ئاماژەبەوەشکراوە، "ئەو کەسە دانیشتووی قەزای پێنجوینە و نیشانەی نەخۆشی ھەبووە پشکنینی تاقیگەی بۆ کراوە و پۆزەتیڤ دەرچووە".

بەپێی دوایین ئامارەکان، تا ئێستا ٥٠٥ کەس لە هەرێمدا توشی ڤایرۆسی کۆرۆنا بوون، لەو ژمارەیەش ٤٠٣ کەسیان چاکبوونەتەوە.