سەردێڕ:

وێنە.. بەرپرسێکی گەورەی داعش لە عێراق کوژرا

فۆتۆ: 
2020-05-26

6020 جار خوێندراوەتەوە

دەزگای دژە تیرۆری عێراق رایگەیاند، موعتەز نومان عەبدولنایف ئەلجەبوری، والیی داعش لە عێراق، کە هاوکات یاریدەدەری سەرۆکی داعش بوو، لەلایەن فڕۆکەکانی هاوپەیمانانەوە کراوەتە ئامانج و کوژراوە.

ئەمڕۆ سێشەممە، دەزگای هەوآڵگری عێراق راگەیەنراوێکدا بڵاویکردەوە، "لەدوای بڵاوکردنەوەی زانیاری لەسەر کوژرانی ئەبوبەکر بەغدادی رێکخەری داعش و پاشان دەستگیرکردنی تاوانبار عەبدولناسڕ قەرداش، هەواڵی کوژرانی جەبوری بە هاونیشتیمانیانمان رادەگەیەنین."

ئاماژە بەوەشکراوە، "موعتەز نومان عەبدولنایف ئەلجەبوری ناسراو بە حاجی تەیسیری، پلەی والی داعش بوو لە عێراقدا و جێگری گەورە ڕێکخەری داعش بووە، هاوکات بەرپرس بووە لە رێککەوتن و پلاندانان بۆ ئەنجامدانی کارەکانی رێکخراوەکە لە دەرەوەی عێراق."

ئەوەش خراوەتەڕوو، "ئەلجەبوری لە ناوچەی دێرەزوری سوریا، لەلایەن هێزە هاوپەیمانەکان کوژراوە، کە کوژرانیشی لە پاش بەدواداچوونی زۆر بووە بۆ هاتوچۆ ناوەکی و دەرەکییەکانی و دواتریش زانراوە کە زیاتر لە پاسپۆڕتێکی هەیە."

السلطات العراقية تعلن مقتل والي العراق ومعاون زعيم تنظيم