سەردێڕ:

کۆمەڵگای چڕە.. کەسێک لە رووباری خازردا خنکا

فۆتۆ: 
2020-05-25

2653 جار خوێندراوەتەوە

بەرگری شارستانی دهۆک رایگەیاند، سەر لە ئێوارەی ئەمڕۆ کەسێک لە رووباری خازردا خنکا و تا ئێستا تەرمەکەی نەدۆزراوەتەوە.

ئەمڕۆ دووشەممە، بێوار عەبدولعەزیز وتەبێژی بەرگری شارستانی دهۆک رایگەیاند، "کەسێکی تەمەن ٢٠ ساڵ بە ناوی (ئەحمەد مەحسن) کە دانیشتووی کۆمەڵگای چڕەیە لە قەزای شێخان، سەر لە ئێوارەی ئەمڕۆ لە رووباری خازردا خنکا."

ئاماژەی بەوەشكرد، "هەتا ئیستا ئەو هاوڵاتییە تەرمەکەی نەدۆزراوەتەوە و تیمەکانی بەرگری شارستانی و کۆمەڵێک هاوڵاتی دیکە لە گەڕان بەردەوامن."

ئەوەش لە کاتێکدایە، لە سەرەتای ئەمساڵەوە هەتا ئێستا چوار کەس لە سنوری پارێزگای دهۆک بەهۆی رووداوی خنکانەوە گیانیانلەدەستداوە.

تایف گۆران، دهۆک