سەردێڕ:

گەرمیان.. لە رووداوێکی هاتوچۆدا کەسێک گیانیلەدەستدا

فۆتۆ: 
2020-05-25

8171 جار خوێندراوەتەوە

هاتوچۆی گەرمیان ڕایگەیاند، لەسەر ڕێگای کەلار – باوەنور لە ئەنجامى ئوتومبیلێکی جۆری بی ئێم دەبلیو، شۆفێرەکەی گیانیلەدەستدا.

عەلی جەمال قدووری، بەرپرسی ڕاگەیاندنی پۆلیسی گەرمیان لە ڕاگەیەندراوێکدا ئاماژەی بەوەکردووە، نیوەڕۆی ئەمڕۆ دووشەمە لەسەر ڕێگای کەلار – باوەنور، نزیک گوندی تازدێ، ئۆتۆمبێلێک لەجۆری بی ئێم وەرگەڕا و لەئەنجامدا شۆفێرەکەی بەناوی (ب.ن.م) لەدایکبووی ١٩٩٧ دانیشتووی قەزای کەلار گیانیلەدەستدا.

راشیگەیاند، هەر لە رووداوەکەدا، هاوسەرەکەی و دوو منداڵ برینداربوون و لە ئێستادا لەبەشی فریاکەوتنی شەهید هەژار چارەسەری پێویست بۆ بریندارەکان دەکرێت.

سەڕەڕاى ڕاگەیاندنى قەدەغەى هاتوچۆ بەشێک لە هاوڵاتیان پابەندى ڕێنماییەکان نابن و لە ماوەى ڕۆژانى قەدەغەشدا چەندین ڕووداو لە ناوچەکانى هەرێمى کوردستان ڕوویداوە.

لە ماوەی رابردوودا، وته‌بێژی هاتوچۆی هه‌رێم رایگەیاند، له ‌ساڵی ٢٠١٩دا زیاتر له‌ چوار هه‌زار ‌و ٤٠٠ رووداوی هاتوچۆ له ‌هه‌رێمی كوردستاندا روویانداوە و به‌هۆیانه‌وه‌ ٥٧٥ كه‌س گیانیان له‌ده‌ستداوه و زیاتر له ‌شه‌ش هه‌زار ‌و ٨٠٠ كه‌سیش برینداربوون.