سەردێڕ:

چەند وڵاتێک ئەمڕۆیان کرد بە یەکەم رۆژی جەژن

فۆتۆ: 
2020-05-23

25914 جار خوێندراوەتەوە

لیژنەی بینینی مانگ لە وڵاتانی مۆریتانیا، سەنیگال، کۆتیڤوار، نەیجیریا و مالی ئەمڕۆیان کردە یەکەمین رۆژی جەژنی رەمەزان و ئەوەش، بەپێچەوانەی زۆربەی وڵاتانی عەرەبی کە یەکشەممەیان کردووەتە یەکەم رۆژی جەژن.

ئاژانسەکانی هەواڵ بڵاویانکردەوە، لیژنەی بینینی مانگ لە مۆریتانیا دوای بینینی مانگ لە ئێوارەی هەینی رایگەیاندووە، کە ئەمڕۆ شەممە یەکەم رۆژی جەژن دەبێت و بەمشێوەیەش مۆریتانیا دەبێتە تاکە وڵاتی عەرەبی کە ئاهەنگی جەژن دەگێڕێت.

دوێنێ، وڵاتانی عێراق، سعودیە و تورکیا بەهۆی نەبینینی مانگەوە، سبەینێ یەکشەممەیان وەکو یەکەم رۆژی جەژن دیاریکرد.

لە هەرێمی کوردستانیشدا، لیژنەی بینینی مانگی ئەوقاف، سبەینێ یەکشەممە، ٢٤ی ئەم مانگەی وەکو یەکەم رۆژی جەژنی رەمەزان لە هەرێمی کوردستان دیاریکرد.