سەردێڕ:

ئەوقاف: ئەو ڤیدیۆیانەی لەبارەی بینینی مانگەوە بڵاوکراونەتەوە راست نین

فۆتۆ: 
2020-05-22

192955 جار خوێندراوەتەوە

وەزارەتی ئەوقاف رایگەیاند، ئەو ڤیدیۆیانەی لەبارەی بینینی مانگەوە بڵاوکرانەتەوە، راست نین و دەستکاریکراون. دەشڵێت، "بە هەماهەنگی لەگەڵ وەقفی سونی عێراقدا لیژنەی بینینی مانگمان کۆبووەتەوە و ئەو بڕیارەی داوە."

نەبەز ئیسماعیل، وتەبێژی وەزارەتی ئەوقاف و کاروباری ئایینی هەرێمی کوردستان بە ئێن ئاڕ تی راگەیاند، ئەو ڤیدیۆیانەی لەبارەی بینینی مانگەوە بڵاوکراونەتەوە، راست نین و مۆنتاژکراون.

راشیگەیاند، "ئێمە سێ رۆژە داوامان لە خەڵکیی کردووە کە ئەگەر مانگیان بینی پێمان بڵێن، کەچی لە ئێستادا بۆ سەرقاڵکردنی هاوڵاتیان ئەو ڤیدیۆیانە بڵاودەکەنەوە."

باسی لەوەشکرد، ئەوان هەماهەنگیان لەگەڵ وەقفی سونی عێراق و سعودیە و ئیمارات و میسردا هەبووە و بە وریاییەوە بڕیاریان لەسەرداوە.

دوای ئەوەی سەرلەئێوارەی ئەمڕۆ، لیژنەی بینینی مانگی ئەوقافی هەرێم، رۆژی یەکشەممە، ٢٤ی ئەم مانگەی وەکو یەکەم رۆژی جەژنی رەمەزان لە هەرێمی کوردستان دیاریکرد، لە تۆڕە کۆمەڵایەتییەکاندا هەندێک ڤیدیۆی مانگ بڵاوکرانەوە کە گوایە لە ئەمڕۆدا گیراون.

هێرش قادر، هەولێر