سەردێڕ:

میدیاکانی سعودیە: ٢٤ی ئایار یەکەم رۆژی جەژنی رەمەزانە

فۆتۆ: 
2020-05-22

52789 جار خوێندراوەتەوە

میدیاکانی سعودیە بڵاویانکردەوە، بەهۆی نەبینینی مانگ لە ئەمڕۆدا، ئەوا رۆژی یەکشەممە، ٢٤ی ئەم مانگە یەکەم رۆژی جەژنی رەمەزان دەبێت لەو وڵاتەدا.

میدیاکانی سعودیە بڵاویانکردەوە، ئەمڕۆ هەینی نەتوانراوە مانگ ببینرێت و بەوەش، سبەینێ شەممە تەواوکەری مانگی رەمەزان دەبێت و دووسبەی یەکشەممەش، ٢٤ی ئایاری ٢٠٢٠، دەبێتە یەکەم رۆژی جەژنی رەمەزان لە وڵاتەکەیاندا.

پێشتر، ناوەندی ئیسلامی بۆ بینینی مانگ رایگەیاند، بەهۆی نەبینینی مانگەوە لە شەوی هەینیدا، ئەوا لە رۆژی شەممە، ٣٠ی رەمەزاندا مانگ دەبینرێت و بەوەش، رۆژی یەکشەممە دەبێتە یەکەم رۆژی جەژنی رەمەزان.

لە هەرێمی کوردستانیشدا، سەرلەئێوارەی ئەمڕۆ لیژنەی بینینی مانگ کۆدەبێتەوە بۆ بینینی مانگ و ئەنجامەکەی رادەگەیەنن.