سەردێڕ:

کەرکوک.. رێکاری نوێی قەدەغەی هاتوچۆ راگەیەنرا

فۆتۆ: 
2020-05-21

3672 جار خوێندراوەتەوە

شانەی قەیرانەکانی پارێزگای کەرکوک ئاماژەی بەوەکردووە، لە کاتژمێر ٦ی بەیانی رۆژی یەکشەممەوە تاوەکو رۆژی پێنجشەممە قەدەغەی هاتوچۆی تەواوەتی دەبێت.

لە راگەیەنراوەکەدا کە نوسینگەی پارێزگاری کەرکوک بڵاویکردووەتەوە، تاوەکو کاژێر ١٢ی شەوی شەممەی داهاتوو هاتوچۆ لە پارێزگاکەدا ئاسایی دەبێت و لە رۆژانی جەژندا قەدەغەی هاتوچۆ بەتەواوەتی دەبێت.

لە راگەیەنراوەکەدا ئەوەش هاتووە، کە هێزە ئەمنییەکان بەدرێژایی ئەو ماوەیە لە ئەرکدا دەبن و رێکاری توند دەگیرێتەبەر و جگە لە کەرتی تەندروستی، دەوامی زۆربەی دامودەزگا حکومی و ناحکومییەکان رادەگیرێت.

لە راگەیەندراوەکەدا هاتووە، لە دووەم رۆژی جەژنیشەوە فەرمانگەی کشتوکاڵ و سایلۆ و دانەوێڵە دەستدەکەنەوە بە دەوامی فەرمی، و رۆژی ٣١ی ئەم مانگەش دەوامی فەرمی لە هەموو دەزگاکانی حکومەت دەستپێدەکاتەوە.

بەپێی دواین ئامارەکانی وەزارەتی تەندروستیی، تاوەکو ئێستا ٧٢ حاڵەتی توشبوون بە کۆرۆنا لە کەرکوکدا تۆمارکراوە و لەو ژمارەیەش ٥٩یان چاکبوونەوەتەوە.