سەردێڕ:

تەندروستیی هەرێم: پێویست ناکات دوای جەژن قەدەغەی هاتوچۆ درێژبکرێتەوە

فۆتۆ: 
2020-05-21

77379 جار خوێندراوەتەوە

وتەبێژى وەزارەتى تەندروستی هەرێم رایگەیاند،" بە پێویستى نازانین ماوەى قەدەغەى هاتوچۆ لە دوایی جەژن درێژبکرێتەوە."

محەمەد قادر وتەبێژى وەزارەتى تەندروستی حکومەتى هەرێمى کوردستان بە دیجیتاڵ میدیاى ئێن ئاڕ تى ڕاگەیاند،" بەهۆى زۆرى بەریەککەوتن و تێکەڵاوبونى هاوڵاتیان لە رۆژانى جەژندا داوامانکرد قەدەغەى هاتوچۆ رابگەیەندرێت، بەڵام بە پێویستى نازانین دواى ڕۆژانى جەژن قەدەغەى هاتوچۆ درێژبکرێتەوە."

وتیشى،" لە حاڵەتى زیادبوونى ژمارەى توشبووان پێویستە رێکارى نوێ بگیرێتەبەر."

ڕۆژى ١٨ ى ئەم مانگە وەزارەتی ناوخۆی هەرێم رایگەیاند، لە یەکەم رۆژی جەژنی رەمەزانەوە قەدەغەی هاتوچۆی تەواو بۆ ماوەی ٧٢ کاتژمێر لە سەرجەم پارێزگاکانی هەرێم و ئیدارە سەربەخۆکاندا جێبەجێدەکرێت.