سەردێڕ:

هەواڵگریی عێراق: کاندیدی جێنشینی ئەبوبەکر بەغدادی دەستگیرکرا

فۆتۆ: 
2020-05-20

9609 جار خوێندراوەتەوە

دەزگای هەواڵگریی عێراق رایگەیاند، کاندیدی جێنشینی ئەبوبەکر بەغدادی، سەرۆکی پێشووی رێکخراوی داعش دەستگیرکراوە.

ئەمڕۆ چوارشەممە، دەزگای هەواڵگریی عێراق رایگەیاند، "عەبدولناسر قەرداش کاندید بۆ جێنشینی ئەوبەکر بەغدادی سەرۆکی پێشووی رێکخراوی داعش، دەستگیرکرا"، ئاماژەیان بەوەشكردووە، "ئەو کارەش لە رێگای زانیاری هەواڵگیری وردەوە ئەنجامدراوە".

عەبدولناسر قەرداش، یەکێکە لە پاڵێوراوەکانی جێگرتنەوەی ئەبوبەکر بەغدادی، کە لە ٢٧ی تشرینی یەکەمی ساڵی رابردوودا لە ئپەراسیۆنێکدا لەلایەن هێزەکانی ئەمریکاوە لە شاری ئیدلیبی سوریا کوژرا و ئۆپەراسیۆنەکەش بە ناوی "کایلا مۆلەر"ەوە ناونرا، وەک ڕێزگرتنێک لەو کچە چالاکوانەی لە ساڵی ٢٠١٥ بە دەستی چەکدارانی داعش کوژرا.