سەردێڕ:

وڵاتێکی عەرەبی یەکەمین رۆژی جەژنی رەمەزانی دیارکرد

فۆتۆ: 
2020-05-18

66864 جار خوێندراوەتەوە

وڵاتی تونس ڕایگەیاند، رۆژی یەکشەممەی داهاتوو، ٢٤ی ئەم مانگەی وەکو یەکەمین ڕۆژی جەژنی ڕەمەزان دیاریکراوە.

ئاژانسی هەواڵی تونس ڕایگەیاند، یەکەمین ڕۆژی جەژن بە پێی رۆژمێری کۆچی شەوێک یاخود ڕۆژێک پێش جەژن لە دوای بینینی مانگ دیاریدەکرێت، بەڵام وڵاتی تونس رۆژی یەکشەممەی داهاتووی وەک یەکەمین رۆژی جەژن دیاریکرد.

هاوکات، پەیمانگای نیشتیمانی تونس بۆ چاودێری فەلەکی بڵاویکردووەتەوە، کە دەتوانرێت لە ٢٩ی مانگی ڕەمەزاندا مانگ ببینرێت و بەمەش ڕۆژی شەممە دەبێتە کۆتا ڕۆژی مانگی ڕەمەزان و یەکشەممەش دەبێتە یەکەمین ڕۆژی جەژن.

هەر ئەمڕۆ، پێشبینیکارێکی کەشناسى پێشکەوتووی عێراق رایگەیاند، لە رۆژی هەینی ٢٢ی ئەم مانگەدا، ناتوانرێت مانگ ببینرێت و لەو حاڵەتەشدا، رۆژی شەممە تەواوکەری مانگی رەمەزان دەبێت و یەکشەممەش، یەکەم رۆژی جەژن دەبێت.