سەردێڕ:

ئێران.. بەهۆی هێرشی کولـلەکانەوە حەوت پارێزگا زیانی بەرکەوتووە

فۆتۆ: 
2020-05-17

4362 جار خوێندراوەتەوە

دامەزراوەی پاراستنی رووەکی ئێران رایگەیاند، کولـلەکان هێرشیان کردووەتە سەر حەوت پارێزگای وڵاتەکەیان.

رەزا میر وتەبێژی دامەزراوەی پاراستنی رووەکی ئێران رایگەیاند، "روبەرێکی فراوانی وڵاتەکەمان لەلایەن کولـلەکانەوە هێرشی کراوەتە سەر و حەوت پارێزگا لە باشور و ناوەراست کەوتوونەتە بەر هێرشێکی کەمتر بینراو".

ئەوەشی خستەڕوو، کە یەک ملیۆن و ٢٠٠ هەزار دۆنم زەوی کشتوکاڵی بە هۆی کولـلەکانەوە زیانیان بەرکەوتووە.

هاوکات، هێرشی کولـلەکان لە چەند مانگی رابردوودا چەند وڵاتێکی ئەفریقی گرتەوە و سەرەتای ئەم مانگەش ئێران پێشبینی کردبوو تا دوو هەفتەی تر هێرشێکی کولـلەکان وڵاتەکەیان بگرێتەوە.

لای خۆشییەوە، نەتەوەیەکگرتووەکان هێرشی ئەمساڵی کولـلەکانی بۆ سەر رۆژهەڵاتی ئەفریقا بە چڕترین هێرشی لەو جۆرە ناوبردووە.