سەردێڕ:

عێراق.. ١٣٧ حاڵەتی نوێی توشبوون بە کۆرۆنا تۆمارکرا

فۆتۆ: 
2020-05-17

4090 جار خوێندراوەتەوە

وەزارەتی تەندروستیی عێراق رایگەیاند، لە ماوەی ٢٤ کاتژمێری رابردوودا ١٣٧ حاڵەتی نوێی توشبوون بە کۆرۆنا و دوو گیانلەدەستدان و ٨٨ چاکبوونەوە تۆمارکراوە.

ئەمڕۆ یەکشەممە، وەزارەتی تەندروستیی و ژینگەی عێراق رایگەیاند، "لە ماوەی ٢٤ کاتژمێری رابردوودا ١٣٧ حاڵەتی نوێی توشبوون بە کۆرۆنا تۆمارکراوە، بەجۆرێک ١٠٥ حاڵەت لە بەغدا، ١٦ لە کەربەلا، نۆ لە واسیت، چوار لە بەسرە و سیانیش لە موسەننا."

ئاماژەی بەوەشکردووە، "دوو کەس بە نەخۆشییەکە گیانیانلەدەستداوە".

باس لەوەشکراوە، "٨٨ کەسی دیکە لە نەخۆشییەکە چاکبوونەتەوە، کە ٦٤ لە بەغدا، ١٠ لە بەسڕە، چوار لە بابل، نۆ لە موسەنا، یەک لە زیقاڕ".

بەپێی دوایین ئامارەکان، تا ئێستا سێ هەزار و ٤٠٤ کەس لە عێراقدا توشی ڤایرۆسی کۆرۆنا بوون، لەو ژمارەیەش ١٢٣ کەس گیانیانلەدەستداوە و دوو هەزار و ٢١٨ کەسیش لە نەخۆشییەکە چاکبوونەتەوە.