سەردێڕ:

عێراق.. ١١٩ حاڵەتی نوێی توشبوون بە کۆرۆنا تۆمارکرا

فۆتۆ: 
2020-05-13

1630 جار خوێندراوەتەوە

وەزارەتی تەندروستیی عێراق رایگەیاند، لە ماوەی ٢٤ کاتژمێری رابردوودا ١١٩ حاڵەتی نوێی توشبوون بە کۆرۆنا و سێ گیانلەدەستدان و ٦٠ چاکبوونەوە تۆمارکراوە.

ئەمڕۆ چوارشەممە، وەزارەتی تەندروستیی و ژینگەی عێراق رایگەیاند، "لە ماوەی ٢٤ کاتژمێری رابردوودا ١١٩ حاڵەتی نوێی توشبوون بە کۆرۆنا تۆمارکراوە، بە جۆرێک ٨٢ لە بەغدا، ٣٢ لە بەسڕە، دوو لە موسەنا، دوو لە نەینەوا و یەک لە دیالە".

ئاماژەی بەوەشکردووە، "سێ کەس بە نەخۆشییەکە لە بەغدا گیانیانلەدەستداوە".

باس لەوەشکراوە، "٦٠ کەسی دیکە لە نەخۆشییەکە چاکبوونەتەوە، کە ٢٦ لە بەسڕە، ١٣ لە بەغدا، نۆ لە میسان، حەوت لە کەربەلا، سێ لە موسەنا و دوو لە کەرکوک".

بەپێی دوایین ئامارەکان، تا ئێستا سێ هەزار و ٣٢ کەس لە عێراقدا توشی ڤایرۆسی کۆرۆنا بوون، لەو ژمارەیەش ١١٥ کەس گیانیانلەدەستداوە و هەزار و ٩٦٦ کەسیش لە نەخۆشییەکە چاکبوونەتەوە.

هـ.ئـ