سەردێڕ:

نیشانەكانی پێش ڕوودانی جەڵتەی دڵ

فۆتۆ: 
2020-05-12

15005 جار خوێندراوەتەوە

جەڵتەی دڵ بە یەكێك لەو كێشە تەندروستییانە دادەنرێت كە توشی مرۆڤ دەبێت و دەبێتە هۆی مردنی كتوپڕ.

جەڵتەی دڵ كاتێك ڕوودەدات كە رۆیشتنی خوێن بۆ دڵ بوەستێت بەهۆی كۆبونەوەی چەوری و كۆلیسترۆڵ و مەوادی دیكە لەشادەمارەكان.

ماڵپەڕی فەرمی رێکخراوی تەندروستیی جیهانی ئاماژەی بە كۆمەلێك نیشانەی دیار کردووە كە ئاماژەن بۆ روودانی جەڵتەی دڵ ئەوانیش:

گێژبوون و هیلاكی: نابێت رێژەی نائاسایی هیلاكی و گێژبوون پشتگوێ بخرێت كەئەوانە بە نیشانەی سەرەكی ئەگەری روودانی جەڵتەی دڵ دادەنرێت، بۆ نمونە سادەترین كاری وەك رێكخستنی شوێنی نوستن یان خۆشۆردن ببێتە ئەركێكی قورس.

بوونی ئازار لەسك: پێش ڕوودانی جەڵتەی دڵی كتوپڕ لەهەندێك كاتدا هەست بە ئازاری توند لەناوچەی سك دەكرێت كەهەندێك كات دڵتێكەڵهاتن و ئاوسان و تێكچوونی گەدەی لەگەڵ دەبێت.

ئازاری سنگ: هەستكردن بەفشارێكی زۆر لەناوچەی سنگ ناوبەناو لەگەڵ ئازارێكی توند و بێزاركەر نیشانەی پێشوەختی جەڵتەی دڵ دادەنرێت و هەروەها پێدەچێت هەندێك نیشانەی دیكەی لەگەڵ بێت لەقۆڵەكان و مل و شانەكان و گەدە.

هەناسەتوندی: پێش شەش مانگ لەتووشبوون بەجەڵتەی دڵ مرۆڤ هەست بە هەناسەتوندی بەردەوام دەكات لەگەڵ هەستكردن بەبێ توانایی بۆ هەڵمژینی هەوای پێویست و ئەوەش دەبێتە هۆی گێژبوون و تێكچوونی هاوسەنگی.