سەردێڕ:

کەشناسى: شەپۆلێکى بارانبارین هەرێم دەگرێتەوە

فۆتۆ: 
2020-04-03

68123 جار خوێندراوەتەوە

بەرێوەبەرایەتی گشتی کەشناسی رایگەیاند، ئەمشەو شەپۆلێکی بارانبارین ناوچەکانی هەرێم دەگرێتەوە لەگەڵ زیادبوونی خێرایی با.

کەشناسی هەرێم بڵاویکردووەتەوە، "پێشبينى ده‌كرێ ئه‌مشه‌و شه‌پۆلێكى بارانبارين و هه‌وره‌ تريشقه‌ له‌ ڕۆژئاوای هه‌رێمه‌وه‌ ده‌ستپێبكات."

روونیشیکردووەتەوە، ئەو شەپۆلە بارانبارینە پارێزگای دهۆك و ناوچه‌ شاخاویيه‌كانى و موصل و پارێزگای هه‌ولێر و ناوچه‌ شاخاویيه‌كانى و به‌ شێك له‌ ناوچه‌ شاخاويیه‌كان شاري سلێمانيش دەگرێتەوە.

‌کەشناسی ئاماژەی بەوەشکردووە، لەگەڵ ئەو شەپۆلە بارانبارینەدا خێرای با زیاد دەکات.

ئەوەش لەکاتێکدایە، ئەمڕۆ کەشناسی رایگەیاند، ئەمڕۆ و سبەی ئاسمان نیمچەهەور بۆ هەورى تەواو دەبێت و بارانبارینیش لە ناوچە جیاجیاکاندا بەردەوام دەبێت و دواتر کەشەکە سەقامگیردەبێتەوە.