سەردێڕ:

لێرەوە فۆڕمی داواکاریی مۆڵەتی هاتوچۆی نێوان پارێزگاکان پڕبکەنەوە

فۆتۆ: 
2020-04-01

31615 جار خوێندراوەتەوە

وەزارەتى ناوخۆ ئەو هاوڵاتیانەی کە لە خێزانەکانیان دابڕاون ئاگاداردەکاتەوە،  دەتوانن لە رێگەی پڕکردنەوەی فۆرمێکەوە داواکاری پێشکەش بکەن.

وەزارەتى ناوخۆى هەرێم ئاماژەى بەوەکردووە، ئەوانەى لە خێزانەکانیان دابڕاون بەهۆى راگرتنى هاتوچۆ لە نێوان پارێزگاکان، دەتوانن لە رێگەى پڕکردنەوەى فۆرمى ( گەڕانەوەى خێزان) کە لە وێبسایتى وەزارەتى ناوخۆ دانراوە داواکاریی گەڕانەوەى خێزانەکانیان پڕبکەنەوە.

روونیشیکردووەتەوە، ئەم خزمەتگوزارییە تاوەکو ٤ى ئەم مانگە بەردەوام دەبێت، دواتر هیچ داواکارییەک وەرناگیرێت، فۆرمەکەش بەشێوازى  pdf دروستکراوە و دەبێت خانەکانى بە کۆمپیوتەر پڕبکرێنەوە دواتر لەسەر کۆمپیتەر خەزن بکرێت و رەوانەى ئیمێڵى "[email protected]  "  بکرێت، دواتر لەرێگەى نامە "sms"ەوە ئاگاداردەکرێتەوە لە بڕیارى رەزامەندى یان رەتکردنەوەى.

ئەوەش لەکاتێکدایە، بەپێی بڕیارى وەزارەتى ناوخۆ قەدەغەى هاتوچۆ لەسەرجەم پارێزگاکانى هەرێم تاوەکو ١٠ى نیسان درێژکراوەتەوە و بۆماوەى ٤٨ کاتژمێریش بە مەرجى وەرگرتنى مۆڵەت، رێگە دەدرێت بەو کەسانەى کە لەخێزانەکانیان دابڕاون تاوەکو بگەڕێنەوە بۆ ناو خێزانەکانیان.

 لێرەوە فۆڕمی داواکاریی مۆڵەتی هاتوچۆ پڕبکەنەوە