سەردێڕ:

​کاوە عەبدولقادر: وەزیری ناوخۆ بەڵێنی هاوکاری بۆ گەڕانەوەی هاوڵاتیانی دەرەوە داوە

فۆتۆ: 
2020-03-30

1688 جار خوێندراوەتەوە

کاوە عەبدولقادر ڕایگەیاند، ڕێبەر ئەحمەد وەزیری ناوخۆی حکومەتى هەرێمى کوردستان بەڵێنی هاوکاری بۆ گەڕانەوەی هاوڵاتیانی دەرەوە داوە.

کاوە عەبدولقادر ئەندامی لیژنەی ناوخۆ و ئاسایش لە پەرلەمانی کوردستان  لە ڕاگەیەندراوێکدا بڵاویکردەوە، "سەبارەت بە کێشەی ئەو ھاوڵاتیانەی لە ناوچە جیاوازەکانی کوردستان بەھۆی ڕێکارە ئەمنیەکان گیریان خواردوە و ناتوانن بگەڕێنەوە ماڵەکانیان پەیوەندیم بە ڕێبەر ئەحمەد وەزیری ناوخۆوە کردووە".

ئاماژەى بەوەشکردووە، "ئەویش بەڵێنیدا بەیانی چەند بڕیارێک دەربکەن بۆ ئاسانکاری ئەو ھاوڵاتیانە بۆئەوەی بگەڕێنەوە شوێنەکانیان".

ئەوەش دوای ئەوەدێت، زیاتر لە ١٥ ڕۆژە قەدەغەی هاتوچۆ لە تەواوی شار و شارۆچکەکانی هەرێمدا راگەیەندراوە و هاوڵاتیان لە چاوەڕوانی بڕیاری نوێی وەزارەتی ناوخۆدان بۆ درێژکردنەوە یان درێژنەکردنەوەی قەدەغەی هاتوچۆ.