سەردێڕ:

​ماوەى کەرەنتینەی سەرۆکى پەرلەمان کۆتاییهات

پشکنینەکەى نێگەتیڤبووە
فۆتۆ: 
2020-03-28

11251 جار خوێندراوەتەوە

نوسینگەى ڕۆژنامەوانى سەرۆکى پەرلەمان بڵاویکردەوە، ڕێواز فایەق سەرۆکى پەرلەمان ماوەى کەرەنتینەکردنەکەى تەواو بووە و پشکنینەکەشى نێگەتیڤ بووە.

نوسینگەى ڕۆژنامەوانى سەرۆکى پەرلەمان رایگەیاند، دوای گەڕانەوەی ڕێواز فایەق سەرۆكی پەرلەمانی كوردستان لەدەرەوەی وڵات لە۱٤ى ئەم مانگە، وێڕای جێبەجێكردنی رێنماییە تەندروستییەکانی تایبەت بەڤایرۆسی کۆرۆنا و ئەنجامدانی پشکنینی تاقیگەیی سەرەتایی لە فڕۆکەخانەی نێودەوڵەتی هەولێر، لە ١٦ ى ئازار لە ڕاگەیەنراوێکدا بڕیاری خۆکەرەنتین کردنی ڕاگەیاند.

 ئەمڕۆ و دوای تەواو بوونی ۱٤ڕۆژە کە ماوەی دیاریكراوی کەرەنتینەیە، لەگەڵ پابەندبوونیان بە سەرجەم ڕێنماییە تەندروستیەكان وئەنجامدانی دواپشكنین  كە خاوێن و نێگەتیڤ دەرچوو، ئاگاداری هاوڵاتیانی هەرێمی كوردستان دەكەنەوە کە کەرەنتینەی سەرۆکى پەرلەمان کۆتایی پێهاتووە.

هاوكات، نوسینگەى سەرۆکى پەرلەمان هیوای چاكبوونەوە بۆ تەواوی توشبووان دەخوازێت  و داوا لەهاوڵاتیانی خۆشەویست دەكات پابەندی رێنماییە تەندروستیەکان بن.

رۆژی ١٤ی ئازاری ڕابردوو رێواز فایەق، سەرۆکی پەرلەمانی کوردستان  لە هۆڵەندا گەڕایەوە بۆ کوردستان و لە چوارچێوەی رێکارەکانی  ڕێگری بڵاوبوونەوەی کۆرۆنا لە ماڵەکەی خۆیدا خۆی کەرەنتین کرد.