سەردێڕ:

سەباح هەورامی: پێشنیازدەکەین تا ١٥ی نیسان قەدەغەی هاتوچۆ درێژکرێتەوە

فۆتۆ: 
2020-03-28

91057 جار خوێندراوەتەوە

بەرێوەبەری تەندروستى سلێمانی ڕایگەیاند، پێشنیازدەکەن تا ١٥ی نیسان قەدەغەی هاتوچۆ درێژکرێتەوە. 

سەباح هەورامی بەرێوەبەری تەندروستى سلێمانی ڕایگەیاند، باشترین پێشنیار بە بۆ چوونی بەندە ئەوەیە حكومەت تا رۆژی ١٥ی نیسان كەرەنتین و قەدەغەكردنی هاتوچۆ بەمشێوە چڕەی ئێستا بەردەوام بێت ، لە پێناو تەندروستی هەمووان.

لەلایەکی دیکەوە سامان بەرزنجی وەزیری تەندروستی هەرێم رایگەیاندووە، "بەردەوامی قەدەغەی ھاتوچۆ و کەرەنتینکردنی بەرکەوتووان، بە ھەزاران ھاوڵاتی لە تووشبوون بە ڤایرۆسی کۆڕۆنا پاراستووە".

بڕیاری قەدەغەکردنی هاتوچۆ لە ١٤ی ئەم مانگەوە لە هەرێم جێبەجێدەکرێت، کە لەو کاتەوە هەتا ئێستا بە چەند جارێک درێژکراوەتەوە و کۆتا جاریش لە ٢٢ی ئەم مانگەدا، وەزارەتی ناوخۆی هەرێم رایگەیاند، قەدەغەی هاتوچۆ لە هەرێمدا هەتا ١ی نیسان درێژدەکرێتەوە.  

کۆی گشتی هەڵگرانی ڤایرۆسی کۆڕۆنای نوێ COVID-19 لە هەرێمی کوردستان ١٢٢ تووشبوو، لەنێویاندا دوو کەس گیانیان لەدەستداوە  و ٥٣ کەسی دیکە چاکبووەتەوە، توشبووەکانی دیکەش لەژێر چاودێری پزیشکی دان.

هـ.ئـ