سەردێڕ:

كەركوك.. حاڵەتێکی نوێی توشبوون بە کۆرۆنا تومارکرا

دانیشتوى ناحیەى لەیلانە
فۆتۆ: 
2020-03-26

4704 جار خوێندراوەتەوە

بەڕێوەبەرایەتی گشتی تەندروستی کەرکوک رایگەیاند، ئەمڕۆ حاڵەتێکی نوێی توشبوون بە کۆرۆنا لە ناحیەى لەیلان تومارکرا.

راگەیاندنى بەڕێوەبەرایەتی گشتی تەندروستی کەرکوک بڵاویکردەوە، توشبووەکە پیاوێکى تەمەن ٧٠ ساڵانەو دانیشتووى ناحیەى لەیلانە لە باشورى خۆرهەڵاتى کەرکوک.

هاوکات، نەبەز میقداد، پەیامنێرى ئێن ئاڕ تى لە کەرکوک ڕایگەیاند، ئەو پیاوەی توشی ڤایرۆسی کۆرۆنا بووه مامی بەڕێوەبەری ناحیەی لەیلانە و ئەندامی پێشوی ئەنجومەنی ناحیەکە بووە.

ئەوە لەکاتێکدایە، وەزارەتى تەندروستیی عێراق ئەمڕۆ رایگەیاند، لە ٢٤ کاتژمێری رابردوودا حەوت حاڵەتی گیان لەدەستدان و ٣٥ حاڵەتى نوێى توشبوون بە ڤایرۆسى کۆرۆنا تۆمارکراون، ١٦ کەسی دیکەش چاکبوونەتەوە.

بەپێی ئامارەکانی وەزارەتی تەندروستیی و ژینگەى عێراق، تاوەکو ئێستا ٣٨٤ توشبووی کۆرۆنا لە عێراقدا تۆمارکراون و لەو ژمارەیەش ٣٧ کەس گیانیان لەدەستداوە و ١٠٥ حاڵەتی چاکبوونەوەش هەیە.