سەردێڕ:

کەرکوک.. حاڵەتێکى گیانلەدەستدان بە کۆرۆنا تۆمارکرا

فۆتۆ: 
2020-03-25

15685 جار خوێندراوەتەوە

دیجیتاڵ میدیاى ئێن ئاڕ تى، کەرکوک، ئاسۆ ئەحمەد

ئەو ئافرەتەى کە ئەمڕۆ لە کەرکوک وەک توشبووى کۆرۆنا تۆمارکرا، گیانى لەدەستدا.

دلێر سەمەد ، ئەندامی لیژنەی شانەی قەیرانەکان لەکەرکوک بە ئێن ئاڕ تى راگەیاند،  ئەو ئافرەتە٧٠ساڵەی ئەمشەو بەتوشبووی ڤایرۆسی کۆڕۆنا تۆمار کرا، بەهۆى ناجێگیرى بارى تەندروستییەوە گیانی لەدەستدا .

سەبارەت بەو توشبووەى گیانى لەدەستداوە، کەریم وەلی بەڕێوەبەرى تەندروستیى کەرکوک بە ئێن ئاڕ تى راگەیاند، ئەو ئافرەتە تەندروستی ناجێگیربووە و پێشتریش سەردانی هیچ وڵاتێکی نەکردووە و نازانرێت چۆن ڤایرۆسەکەى بۆ گواستراوەتەوە.

ئەوەش لەکاتێکدایە، لە ئێستادا هەشت حاڵەتی توشبوون بە کۆرۆنا لە کەرکوک تۆمارکراوە کە شەشیان رەوانەى ماڵەوە کران و توشبوویەکیش گیانى لەدەستداوە و تەنیا یەک توشبوو لەژێر چاودێری پزیشکیدایە.

بەپێی ئامارەکانی وەزارەتی تەندروستیی، تاوەکو ئێستا ٣١٧ توشبووی کۆرۆنا لە عێراقدا تۆمارکراوە و لەو ژمارەیەش ٢٨ کەس گیانیان لەدەستداوە و ٧٥ کەسیش بەتەواوی چاکبوونەتەوە.